除了"讚", 點解唔可以"彈"? 要有進步, 其實要接受別人指出缺點, 睇了兩年多的作品好多衰完又衰、錯完再錯。
早在討論區早說了, 今期大家宜學習用光:-
@ 今期台主作品勝在構圖, 光呢? 故只能說流於黑白水墨國畫味。但又唔夠濃, 且屬集體創作, 同行者可能睇見張冠軍作品後, 馬上裁給自已一張一式一樣呢!
@ 網上熱讚, 估現場光並非如此強反差, 估作者後製刻意壓暗相片, 繼而推高反差, 去控制賞圖者視線。
@ 優異作品 "妯娌話家常", 若以沙龍相角度看, 掛著大花布橫竹插穿兩人人頭, 扣分; 背景反白光搶走視線, 扣分。但這幅屬snapshot又另計, 光好靚, 兩人立体感好重。
@ 落選作品 "家居生活" 正好與優異作品 "妯娌話家常" 相比, 感覺上補左光(屬正光), 畫面較平, 輸左唔夠立体, 似擺拍。
@ 落選作品 "智者", 同樣無光無影無哂立体感, 加上大白光背景搶走視線, 紅衣背後多左無謂技葉, 弄畫花面, 輸哂!
@ 落選作品 "印經", 主角更處於暗位, 唔sharp, 黑衫黑褲唔得凸出, 讀者不看題名都不了解內容; 其次是他的副手跟主角無呼應, 無交流, 紅衣搶走主角視線。完全輸哂!
@ 落選作品 "大同雲岡石窟", 光影好靚好重立体感, 若人物能行前多兩步, 令人物在光位完全展示整個剪影更佳。相片輸左係哩個彩色世界。
@ 落選作品 "五月流彩", 夠哂光, 但係奈何是"正光", 我眼睛左右上下轆, 都搵唔到主体!? 看見題名便往流動處看, "企個蹲個", 又破壞左"流動", "流的, 無色彩; 彩的, 又唔流", 即係點呀?
@ 落選作品 "福建平潭岛夕照", 黃昏光好靚, 個天的光位層次唔夠, over左, 谷曝左飽和度, 套上漸變藍濾片位置又不對, 更者是濾片色溫不對(估國產貨), 俾人看穿底牌。海面唔夠平靜; 前景受光塊石頭形態不起眼。
@ 落選作品 "北京西站", 作者未懂在 Magic hour 時拍攝, 真係只影"燈光", 效果反影作者未能完全掌握運用/調節相機內的"色溫"; 其次, 前景果舊都唔知係乜? 一些吸引力都無。
@ 落選作品 "風中的祝福", 頂光, 畫面好亂, 右上角白光、車路搞亂/破壞畫面, 跟主題拉不上關係。
@ 落選作品 "云霧繞梯田", 日出云彩唔靚, 梯田水面無云彩到影, 云霧無動感。
@ 落選作品 "採蜜歸巢", 初看以為係2000年古董數碼相機勁多noise添! 蜜蜂要用千百倍放大鏡才看得到, 完全失敗!
@ 落選作品 "吳哥窟巴肯寺日落", 1> 玩開黑白相的都唔夠膽去跟日出日落拼命, 因佢地知到日出日落時燈紅色的色tone好接近, 在黑白時兩色變左近似同一灰色, 屎哂 ! 2> 無一個攝影師講得出那個牌子相機的內至HDR係ok既! 玩攝影的十居其九都自行利用其他軟去玩HDR。
@ 落選作品 "磅薄的喜瑪拉雅山脈", 我完全唔能夠從相片感受到 "磅薄" 兩個字; 前景"黃土"佔了一半畫面, 背景"喜瑪拉雅山脈"要用放大鏡睇!
....... 好累, 唔再講