2013年7月擂台成績公佈 [復制鏈接]

samho 大師：估男女，小弟純是想攪下氣氛，請茶飲都怕請不到你呢！

大師幾時起動拍星軌，揀選了地點未？

tai 大俠：「……… 好累」 打咁多字，當然會累啦，請繼續以這客座身份及平和的語氣為其他圖片評點，主人家不會這樣去批評是理解的，想學野的當然想睇多D，衹是擔心被評者唔 like 或不同意去展開罵戰；不過如這善意的評語都唔 like的話，佢可以回覆叫taikankan 以後咪評核佢囉。

但請勿在未有比賽結果前公開進行評述，對「評委」及「參賽者」都不公平兼有影響。

任何攝影比賽的評選，都一定帶有主觀性，各位無須為一兩句的批評就怒火上升，不同意者大可當作聽唱歌，或提出自已的看法及意見。

一場賽事，包括：大會、參賽者、教練、栽判、觀眾 …………………… 尚有很多。在運動比賽裡有一個名稱叫「觀賞文化」，希望 taikankan 能帶動出「觀賞相片」的文化；各位坐定定，睇下 tai大俠會不會寫齊七月份所有參賽的相片。

ngat:samho 大師：估男女，小弟純是想攪下氣氛，請茶飲都怕請不到你呢！
大師幾時起動拍星軌，揀選了地點未？ (2013-07-07 21:41)

27 July 出發, 跟團, 目的地是印北"喀什米爾"和"列城"。現皆段在網上尋找當地圖片作參考, 資料不多。

ngat:tai 大俠：「……… 好累」 打咁多字，當然會累啦，請繼續以這客座身份及平和的語氣為其他圖片評點，主人家不會這樣去批評是理解的，想學野的當然想睇多D，衹是擔心被評者唔 like 或不同意去 .. (2013-07-08 10:40) 

我又唔多理解:- 公開「彈」, 對「評委」及「參賽者」都不公平兼有影響。 那公開「讚」, 對「評委」及「參賽者」都公平兼無影嚮? 不過回想後又理解, 人總愛聽「美麗的謊言」。

人要「面子」嗎！ 如果被彈到一錢不值，以後點見人呀？「美麗的謊言」很多人都受落。

喂！大俠，唔見有人上來反對大俠的善意批評，快手做埋 D手尾，可能真有人想學野喎。

從前我都是受朋輩鼓勵參賽, 在對抗爭議中了解別人、了解自己才有進步。了解勝出作品因由故然重要, 但更重要是別人用第三者以客觀(主觀)去睇自已作品才最重要, 點出死穴後就不應再犯錯。應主動去請教別人, 不應害羞, 求指出錯處才有進步空間。要不段反思, 我個人較喜歡觀摩外國相片網站, 學習他們的思維和拍攝手法。例如大家都同樣做假, 為何他們有這個創意, 並非香港時下"蟲友"影左大堆所謂零件相, 再一件件重組, 又話係"沙蟲"作品囉 !

ngat:人要「面子」嗎！ 如果被彈到一錢不值，以後點見人呀？「美麗的謊言」很多人都受落。
喂！大俠，唔見有人上來反對大俠的善意批評，快手做埋 D手尾，可能真有人想學野喎。
....... (2013-07-09 22:24) 

要乜面子喎! 我都唔識佢地, 行出街對面位人兄原來係天天種票果位我都唔知啦!

冇人上黎反對批評!? 可能個個都上黎都祗睇揭盅派彩多, 其他懶理。

想學野搵一哥搵評委啦! 佢地仲繼續係中國旅遊雜誌帶團影相(如果出到團的話), 我得死淨把口, 唔懂乜嫁 !

同 tai 大俠 吹埋呢段，睇下係真唔係「可能個個都上黎都祗睇揭盅派彩多, 其他懶理」

大俠忘記參賽者有朋友、有粉絲，有影友嘛，你唔識佢 ，但好多人識佢，唉！如果佢仲係朋輩中的大哥，面顏 …………；

如果位位都好似 samho 大師咁上進，佢話對影星軌比較陌生，就想辨法去搵料增值，又會請教他人，睇下15樓寫的一段，鼓勵「點出死穴後就不應再犯錯。應主動去請教別人, 不應害羞, 求指出錯處才有進步空間。」

「我得死淨把口, 唔懂乜嫁 !」tai 大俠祇是謙虛用詞；你識好多野，其實小弟是想你繼續寫，從中學野，不過見其他人都好似冇乜反應，祇見另一位「黃文發」師兄回禮 …………… 。

如果吹來吹去都衹是小貓幾隻，是否真是「可能個個都上黎都祗睇揭盅派彩多, 其他懶理」……… 不會不會 ……… 應該是「可能個個都上黎都祗睇揭盅派彩多, 順道睇下你幾隻傻瓜點對咀」，看來小弟都要收口。

在此謹祝各位攝影高手影技昇華。

samho:
從前我都是受朋輩鼓勵參賽, 在對抗爭議中了解別人、了解自己才有進步。了解勝出作品因由故然重要, 但更重要是別人用第三者以客觀(主觀)去睇自已作品才最重要, 點出死穴後就不應再犯錯。應主動去請教別人, 不應害羞, 求指出錯處才有進步空間。要不段反思, 我個人較喜歡觀摩外國相片網站, 學習他們的思維和拍攝手法。例如大家都同樣做假, 為何他們有這個創意, 並非香港時下"蟲友"影左大堆所謂零件相, 再一件件重組, 又話係"沙蟲"作品囉 !

回覆 samho 大師的鼓勵，然後在本帖「七月份擂台成績」收口。

很多年前，尚未有「中國旅遊」網頁，小弟參賽兩次是貪玩，沒有信心去取勝，知道自已影得好「屎」，兩次後就自行收檔，返歸檢討，後來 …………… 為什麼又再參賽呢？簡單得很，samho 大師一文全已把我的心中全講出來：(好文再抄錄如下)

『在對抗爭議中了解別人、了解自己才有進步。了解勝出作品因由故然重要, 但更重要是別人用第三者以客觀(主觀)去睇自已作品才最重要, 點出死穴後就不應再犯錯。應主動去請教別人, 不應害羞, 求指出錯處才有進步空間。要不段反思, 我個人較喜歡觀摩外國相片網站, 學習他們的思維和拍攝手法。例如大家都同樣做假, 為何他們有這個創意, 並非香港時下"蟲友"影左大堆所謂零件相, 再一件件重組, 又話係"沙蟲"作品囉 !』

日操夜操都無用，你要參加比賽去量度自已的水平，新丁落場踢錯一個波，觀眾「噓」聲四起，算斯文咯，如「媽媽聲」不絕，不知可否立即脫下球衣離場，批評兩句算得是乜？ 如善意的又中 point，去講聲多謝都來不及；賽事完畢無論輸贏都應再檢討，下一仗又會有所進步。

可能小弟會比 samho 大師更不喜愛「蟲友」，就讓他們活在幻想的世界啦，希望本擂台勿把「擺拍」、「做假」、影會的「集體功課」入選，讓這平台光芒萬丈。 參賽者亦應以務實的態度，作出呼應、交流，千萬勿被 tai大俠講中「可能個個都上黎都祗睇揭盅派彩多, 其他懶理」，大家一起成長作為一個有素質的攝影者吧。

憑四套電影反轉西方人對中國人的千百年觀感。永遠懷念的「李小龍」…… 『李三腳』。